Konsulli

nga Alfred Lela

Gjithcka kalon permes grave. Integriteti i burrave, gjithshtu. Bjondja e ulur ne barin e "Abe & Loui" ne Boston eshte nje prej atyre grave te cilat nuk e kane sensin e kohes. Kjo, sepse edhe kur jane ne te dyzetat kujtojne se jane ende ne rinine e pare. Me njefare te drejte, persa ato vazhdojne te jene te bukura. Ajo i tregon bashkebiseduesit te saj se si pre e saj jane bere burra te bukur e te pasur; modele, pronare restorantesh te medhenj, e te tjere. Kur ajo permend Andon Athanasin, bashkebiseduesi behet papritur i interesuar. Nje feksje djallezore i thote ta pyese "te riun a te vjetrin". Por jo.
Pra ti paske dale me shqiptare?Me shqiptare? Jo! Andoni eshte grek nga Athina.Bashkebiseduesi i shpjegon se Andon Athanasi, i riu, eshte ne fakt djali i madh i nje shqiptari me te njejtin emer, i cili u shperngul nga Shqiperia qe ne vegjeli. Gruaja, le ta quajme Monika per ta shmangur cilesorin e vakumte-bjonde, nuk pa ndonje gje te keqe ne kete shkembim identitetesh. Ajo ishte italiane dhe sipas saj "everybody wants to be italian". Andon Athanasi, i riu, jo. Ai dashka te jete grek. Dhe kjo, afermendsh, eshte e drejta e tij. Cka eshte e padrejte ka te beje me vetekandidimin e tij per vendin vakant te konsullit te nderit te Shqiperise ne shtetin e Masacusetsit. Titull i mbetur pa te zot pas vdekjes se babait te tij, te ndjerit Andon Athanasi, plaku. Restoranti i plakut, qe tashme u ka kaluar te bijve, ka qene perhere nje dere e hapur per shqiptaret. Nje institucion, i cili u ka mesuar shumeve abc-ne e Amerikes. Aty jane falur shqiptaret e sapozbritur ne Token e Premtuar pa asnje fjale te anglishtes ne fjalor, apo dhe presidentet, kryeministrat, disidentet, te ngriturit e te rrezuarit. Pjese e kesaj panorame te ndezur nuk ka munguar te jete edhe Athanasi i ri, ne fytyren e te cilit nuk mund te rrije pa e shquar ate padurimin ndaj shqiptareve. Nje lloj bezdie qe, po, e sheh vetem ne fytyrat e grekeve. Ne nje prej sirtareve te Ministrise se Jashtme ne Tirane, fle nje dosje me kandidatet per Konsull Nderi te Shqiperise ne Boston. Mes tyre ndodhet emri i Andon Athanasit. Ministri Mustafaj, kryeministri Berisha dhe presidenti Moisiu nuk do duan qe kurdo te vizitojne Bostonin te shtrengojne duart me nje njeri i cili do t'i perqeshe pas shpine. Ne liste ka edhe emra te tjere. Van Christo, nje amerikano-shqiptar, i cili, eshte nder te tjera, themelues i Frosina.org dhe Stefan Kochi, kryetar i Keshillit Kombetar Shqiptaro-Amerikan per Bostonin. Te dy keta burra mund t'i shohesh ne krah te emrit "Konsull Nderi i Shqiperise". Edhe sikur vetem per faktin e thjeshte se ata e kane per nder qe jane shqiptare.

Botuar ne gazeten "Korrieri", prill 2007